Serat Wedhatama Pupuh Sinom

Cakepan lan Tegesipun Pupuh Sinom

1

Nuladha laku utama
Tumraping wong tanah Jawi
Wong agung ing Ngeksiganda
Panembahan Senapati
Kapati amarsudi
Sudaning hawa lan nepsu
Pinesu tapa brata
Tanapi ing siyang ratri
Amamangun karyenak tyasing sasama

Niru tumindak ingkang utama/ sae

tumrapipun tiyang ing Tanah Jawi

Ratu saking Nagari Mataram

Panembahan Senapati

saestu ngupaya

ngirangi hawa lan nepsu

kanthi cara tapa brata (prihatin)

ing wekdal siyang dalu

tansah ngupaya tentremipun tiyang kathah.

Contohlah perilaku utama
bagi kalangan orang Jawa
orang besar dari Ngeksiganda (Mataram)
Panembahan Senapati
yang tekun
mengurangi hawa nafsu
dengan jalan prihatin (bertapa)
serta siang malam
selalu berkarya membuat hati tenteram bagi sesama (kasih sayang).

2
Samangsane pasamuan,
Mamangun marta martani
Sinambi ing saben mangsa
Kala-kalaning ngasepi
Lalana teka-teki
Nggayuh geyonganing kayun
Kayungyun eninging tyas
Sanityasa pinrihatin
Pungguh panggah cegah dhahar lawan guling

Ing saben pakumpulan

ngupaya sipat mangertosi

ing saben wonten wekdal

wekdal ingkang longgar

ngumbara kangge tapa

nggayuh nugraha kauripan

remen (ngantos kanyut) ing eninging ati

tansah prihatin

tetep tansah nyegah dhahar (pasa) lan sare.

Dalam setiap pergaulan,
membangun sikap tahu diri.
Setiap ada kesempatan,
Di saat waktu longgar,
mengembara untuk bertapa,
menggapai cita-cita hati,
hanyut dalam keheningan kalbu.
Senantiasa menjaga hati untuk prihatin (menahan hawa nafsu),
dengan tekad kuat, membatasi makan dan tidur.

3
Saben mendra saking wisma
Lelana laladan sepi
Ngisep sepuhing sopana
Mrih pana pranaweng kapti
Tis-tising tyas marsudi
Mardawaning budya tulus
Mesu reh kasudarman
Neng tepining jalanidhi
Sruning brata kataman wahya dyatmika

Saben tindak saking dalem (istana)

ngumbara menyang papan ingkang sepi

ngudi  ilmu ingkang langkung inggil

supados langkung trawaca menapa ancas kauripan

tekading ati kangge ngupaya

mbudidaya budi pakarti

ngupaya welas asih

ing tepinipun samodra

kiyating tapa ndadosaken nampi wahyu saking Gusti.

Setiap mengembara meninggalkan rumah (istana)
berkelana ke tempat yang sunyi (dari hawa nafsu)
menghirup tingginya ilmu
agar jelas apa yang menjadi tujuan (hidup) sejati
Hati bertekad selalu berusaha dengan tekun
memperdayakan akal budi
menghayati cinta kasih
ditepinya samudra
Kuatnya bertapa diterimalah wahyu dyatmika (hidup yang sejati).

4
Wikan wengkoning samodra
Kederan wus den ideri
Kinemat kamot ing driya
Rinegem sagegem dadi
Dumadya angratoni
Neng Kangjeng Ratu Kidul
Ndedel nggayun nggegana
Umara merek maripih
Sor prabawa lan Wong Agung Ngeksiganda

Mangertosi sedaya isinipun samodra

sedaya sampun dipuntindaki

cetha indranipun

dipungegem sagegeman mawon saged

dados ratu (panguwasa)

ing Kanjeng Ratu Kidul (Tanah Jawi iring Kidul)

mesat nggayuh langit

sowan kanthi raos urmat

marang ratu Mataram.

Memahami kekuasaan di dalam samodra

seluruhnya sudah dijelajahi
“kesaktian” melimputi indera
Ibaratnya cukup satu genggaman saja sudah jadi

berhasil berkuasa,
Kangjeng Ratu Kidul
Naik menggapai awang-awang
(kemudian) datang menghadap dengan penuh hormat
kepada Raja Mataram.

5

Dahat denira aminta
Sipeket pangkat kanthi
Jroning alam palimunan
Ing pasaban saben sepi
Sumanggem anyanggemi
Ing karsa kang wus tinamtu
Pamrihe mung aminta
Supangate teki-teki
Nora ketang teken janggut suku jaja

Nyuwun kanthi sanget

supados dipunakeni dados kanca, abdi panjenenganipun

ing papan ngumbara saben sepi

Panembahan sumadya

kanthi prajanjen tinamtu

pikajenganipun naming nyenyuwun

pangestu ing tapa

bebasan tekenan janggut lan mlahpah ngagem jaja (ngantos rekaos).

Memohon dengan sangat lah beliau
agar diakui sebagai sahabat setia, di dalam alam gaib
tempatnya berkelana setiap sepi.
Bersedialah menyanggupi
kehendak yang sudah digariskan
harapannya hanyalah meminta
restu dalam bertapa
meski ibarat sampai melata (dengan susah payah).

6
Prajanjine abipraya
Saturun-turune wuri
Mangkono trahing awirya
Yen amasah mesu budi
Dumadya glis dumugi
Iya ing sakarsanipun
Wong Agung Ngeksiganda
Nugrahane prapteng mangkin
Trah tumerah darahe padha wibawa

Prajanjen ingkang minulya

kagem sedaya tedhak turunipun ing benjang

mekaten keturunan tiyang luhur

yen kersa ngasah kanthi sanget budinipun

ndadosaken cepet kasil

menapa pikajenganipun

Ratu saking Mataram

nugrahanipun bakal tumurun ngantos samangke

ing sedaya keturunanipun saged nggadhawi kawibawan.

Perjanjian sangat mulia
untuk seluruh keturunannya di kelak kemudian hari
Begitulah seluruh keturunan orang luhur
bila mau mengasah akal budi
akan cepat berhasil
apa yang diharapkan

orang besar Mataram

anugerahnya hingga kelak dapat mengalir

di seluruh darah keturunannya, dapat memiliki wibawa.

7
Ambawani tanah Jawa
Kang padha jemuneng aji
Satriya dibya sumbaga
Tan lyan trahing Senapati
Pan iku pantes ugi
Tinulad labetahipun
Ing sakuwasanira
Enake lan jaman mangkin
Sayektine tan bisa ngepleki kuna

Nguwasani Tanah Jawi

ingkang dados Ratu

satruya ingkang kondhang

Boten sanes inggih keturunan Senapati.

Menika pantes ugi

dipuntiru lelabuhanipun

ing sasagedipun sampeyan

dipunterapaken ngantos samangke

senajan boten saged persis kados tiyang jaman kina.

Menguasai tanah Jawa (Nusantara)
yang menjadi raja (pemimpin)
satria sakti termasyhur
tak lain keturunan Senopati
hal ini pantas pula
sebagai tauladan budi pekertinya
sebisamu

terapkan di zaman nanti
walaupun tidak bisa persis sama seperti di masa silam.

8

Lowung kalamun tinimbang

ngaurip tanpa prihatin

nanging ta ing jaman mangkya

pra mudha kang den karemi

manulad nelad nabi

nayakengrat Gusti rasul

anggung ginawe umbag

saben seba mampir masjid

ngajab-ajab tibaning mukjijat drajat

Langkung sae tinimbang

gesang tanpa prihatin

nanging ing jaman mangke

para mudha ingkang dipunremeni

niru-niru tumindak Nabi

Nabi utusan Gusti

umuk dipunagung-agungaken

saben mlampah dhateng mesjid

ngajengaken mandhapipunmukjizat drajat (dipunurmati).

Mending bila dibanding

orang hidup tanpa prihatin

namun di masa yang akan datang (masa kini)

yang digemari anak muda

meniru-niru nabi

rasul utusan Tuhan

yang hanya dipakai untuk menyombongkan diri

setiap akan bekerja singgah dulu di masjid

mengharap mukjizat agar mendapat derajat (naik pangkat).

9

Anggung anggubel sarengat

saringane tan den wruhi

dalil dalaning ijemak

kiyase nora mikani

ketungkul mungkul sami

bengkrakan mring masjid agung

kalamun maca kutbah

lelagone dandanggendis

swara arum ngumandhang cengkok palaran

Namung paham sarengat ing kulit mawon

hakikatipun boten dipunmangertosi

kawruh kangge mangertosi makna

tutuladhanipun boten mangertosi

sami boten nglegewa/ sadhar

tumindakipun leluwihan ing mesjid Agung

menawi maos khutbah

wiramanipun nengsemaken ati

swanten sae kados palaran.

Hanya memahami sariat (kulitnya) saja

 sedangkan hakekatnya tidak dikuasai

Pengetahuan untuk memahami makna

dan suri tauladan tidaklah mumpuni

Mereka lupa diri, (tidak sadar)

bersikap berlebih-lebihan di masjid besar,

Bila membaca khotbah

berirama gaya dandanggula (menghanyutkan hati),

suara merdu bergema gaya palaran (lantang bertubi-tubi).

10

Lamun sira paksa nulad

Tuladhaning Kangjeng Nabi

O, ngger kadohan panjangkah

Wateke tan betah kaki

Rehne ta sira Jawi

Sathithik bae wus cukup

Aywa guru aleman

Nelad kas ngepleki pekih

Lamun pangkuh pangangkah yekti karahmat

Menawi sampeyan meksa niru

nuladha kanjeng Nabi

o, menika katebihen panjangkah

watakipun boten dangu

dene sampeyan tiyang Jawi

sekedhik mawon sampun cekap

sampun ngantos aleman (pengin dipunpuji)

nuladha sami kaliyan ilmu fikih

nanging menawi saged, estu wonten kalodhangan pikantuk rahmat.

Jika kamu memaksa meniru

tingkah laku `Kanjeng Nabi

Oh, nak terlalu naif

biasanya tak akan betah nak

karena kamu itu orang jawa

sedikit saja sudah cukup

janganlah sekedar mencari sanjungan

mencontoh-contoh mengikuti fiqih

apabila mampu memang ada harapan mendapat rahmat.

11

Nanging enak ngupa boga

reh ne ta tinitah langip

apata suweting nata

tani tanapi agrami

mangkono mungguh mami

padune wong dahat cubluk

durung wruh cara Arab

jawaku wae tan ngenting

parandene paripaksa mulang putra

Nanging saenipun pados nafkah

amargi kita kaciptaaken lemah

menapa badhe ngabdi marang raja?

dados tani, utawi dagang

mekaten miturut kula

amargi saking bodhonipun

dereng mangerots cara Arab

tatacara jiwa mawon boten mangertos

nanging meksa ndhidhik putra.

Tetapi seyogyanya mencari nafkah

karena diciptakan sebagai makhluk lemah

apakah mau mengabdi kepada raja

bercocok tanam atau berdagang

begitulah menurut pemahamanku

sebagai orang yang sangat bodoh

belum paham cara Arab

tata cara jawa saja tidak mengerti

namun memaksa diri mendidik anak.

12

Saking duk maksih taruna

sadhela wus anglakoni

aberag marang agama

maguru anggering kaji

sawadine tyas mami

banget wedine ing mbesuk

pranatan ngakir jaman

tan tutug kaselak ngabdi

nora kober sembahyang gya tinimbalan

Amargi nalika taksih mudha

cepet-cepet (kecepeten) nyinau

nyaket marang agama

maguru marang ingkang sampun kaji

mila ingkang kapedhem ing ati

ajrih sanget ing benjing

tatanan akhir jaman

boten rampung keselak ngabdi

boten kober sholat (ngibadah) sampun pejah.

Dikarenakan waktu masih muda

keburu menempuh

belajar pada agama

berguru menimba ilmu pada yang haji

maka yang terpendam dalam hatiku

menjadi sangat takut akan hari kemudian

keadaan di akhir zaman

tidak tuntas keburu “mengabdi”

tidak sempat sembahyang terlanjur dipanggil.

13

Marang ingkang asung pangan

yen kesuwen den dukani

abubrah kawur tyas ingwang

lir kiyamat saben ari

bot Allah apa gusti

tambuh tambuh solahingsun

lawas lawas nggraita

rehne ta suta priyayi

yen mamriha dadi kaum temah nistha

Marang ingkang maringi tetedhan

menawi kadangon dipundukani

dados boten karuwan raosipun

kados kiyamat saben dinten

abot Allah menapa Gusti

boten mantep tumindak kula

dangu-dangu mikiraken

amargi keturunan priyayi

menawi kepengin dados rakyat biasa, malah nistha

Kepada yang memberi makan

jika kelamaan dimarahi

menjadi kacau balau perasaanku

seperti kiyamat saban hari

berat “Allah” atau “gusti”

bimbanglah sikapku

lama-lama berfikir

karena anak turun priyayi

bila ingin jadi rakyat biasa (kaum) dapatlah nista.

14

Tuwin ketip suragama

pan ingsun nora winaris

angur baya ngantepana

pranatan wajibing urip

lampahan angluluri

aluraning pra luluhur

kuna kumunanira

kongsi tumekeng samangkin

kikisane tan lyan amung ngupa boga

Mekaten ugi dados pangurus agama

Amargi kula boten keturunanipun

Langkung sae ngantepi

Aturan kuwajiban gesang

Nglampahi paugeran

Warisan leluhur

Saking jaman riyin (kina)

Ngantos dumugi samangke

Boten sanes namung pados nafkah.

Begitu pula jika aku menjadi pengurus dan juru dakwah agama

karena aku bukanlah keturunannya,

lebih baik memegang teguh

aturan dan kewajiban hidup

menjalankan pedoman hidup

warisan leluhur

dari zaman dahulu kala

hingga kelak kemudian hari.

ujungnya tidak lain hanyalah mencari nafkah.

15

Bonggan kang tan mrelokena
Mungguh ugering ngaurip
Uripe lan tri prakara
Wirya, arti, tri winasis
Kalamun kongsi sepi
Saka wilangan tetelu
Telas tilasing janma
Aji godhong jati aking
Temah papa papariman ngulandara

Lepatipun piyambak ingkang boten mangertosi

paugeran/ aturan kauripan (supados mulya)

gesang ing tigang prakawis

kaluhuran (kakuwasaan), arta (kemakmuran), lan kawruh.

Yen boten saged nggadhahi salah setunggal

saking tiga-tiganipun

dados manungsa ingkang paling rugi

kados ajinipun ron jati garing

manggihi nelangsa ing sapanjang margi

Salahnya sendiri yang tidak mengerti
Paugeran orang hidup itu demikian seyogyanya
hidup dengan tiga perkara
Keluhuran (kekuasaan), harta (kemakmuran), ketiga ilmu pengetahuan.
Bila tak satu pun dapat diraih dari ketiga perkara itu
habis lah harga diri manusia
seperti harga daun jati kering

akhirnya mendapatlah derita jadi pengemis dan terlunta.

16

Kang wus waspada ing patrap
Mangayut ayat winasis
Wasana wosing jiwangga
Melok tanpa aling-aling
Kang ngalingi kaliling
Wenganing rasa tumlawung
Kekse saliring jaman
Angelangut tanpa tepi
Yeku aran tapa tapaking Hyang Sukma

Ingkang sampun mangertos tatacaranipun

Nerapaken ajaran ingkang mulya/ luhur

Yen kasil mrasuk ing jiwa

Bakal mirsani tanpa alangan

Ingkang ngalangi kasingkir

Kabuka rasa ingkang samar

Katingal sedaya cakrawala

Ingkang tanpa tepi/ wates

Menika ingkang dipunsebat “Tapaking Hyang Suksma”.

Yang sudah paham tata caranya,
Menghayati ajaran utama,
Jika berhasil merasuk ke dalam jiwa,
akan melihat tanpa penghalang,
Yang menghalangi tersingkir,
Terbukalah rasa sayup menggema.
Tampaklah seluruh cakrawala,
Sepi tiada bertepi,
Yakni disebut “tapa tapaking Hyang Sukma”.

17

Mangkono janma utama
Tuman tumanem ing sepi
Ing saben dina rikala mangsa
Ngasah amamasuh budi
Lahire den tetepi
Ing reh kasatriyanipun
Susila anoraga
Wignya met tyasing sasami
Yeku aran wong barek berag agama

Mekaten tiyang ingkang utama

remen nambah ibadah ing alam sepi

ing saben-saben wekdal

ngladhepaken lan ngresiki budi

ing lahiripun dipuntetepi

sipat kasatriyanipun

sopan santun sarta andhap asor

pinter nyenengaken atinipun tiyang kathah

inggih menika ingkang dipunsebattiyang ingkang remen nyaketaken marang agama.

Demikianlah manusia utama
gemar terbenam dalam sepi (meredam nafsu)
di saat-saat tertentu
mempertajam dan membersihkan budi
bermaksud memenuhi tugasnya sebagai satria
berbuat susila rendah hati
pandai menyejukkan hati pada sesama
itulah sebenarnya yang disebut menghayati agama.

18

Ing jaman mengko pan ora
Arahe para taruni
Yen antuk tuduh kang nyata
Nora pisan den lakoni
Banjur njujurken kapti
Kekekne arsa winuruk
Ngandelken gurumitra
Pandhitane praja sidik
Tur wus manggon pamuncunge mring makripat

Ing jaman mangke boten mekaten

sipatipun para mudha

yen pikantuk pitedah ingkang nyata

boten dipunlampahi

namung nuruti pikajenganipun piyambak

ingkang langkung sepuh malah dipunajari

kanthi ngandelaken ilmunipun piyambak

ingkang gurunipun dipunanggep paling pinter

sarta sampun nguwasi makrifat.

Di zaman kelak tiada demikian
sikap anak muda

bila mendapat petunjuk nyata
tidak pernah dijalani
Lalu hanya menuruti kehendaknya
Kakeknya akan diajari
dengan mengandalkan gurunya
yang dianggap pandita negara yang pandai
serta sudah menguasai makrifat.