Serat Wedhatama Pupuh Pangkur

Cakepan lan Tegesipun Pupuh Pangkur

1

Mingkar mingkuring angkara
Akarana karenan mardi siwi
Sinawung resmining kidung

Sinuba sinukarta
Mrih kretarta pakartining ngelmu luhung
Kang tumrap neng tanah Jawa
Agama ageming aji

Nebihi sipat awon

amargi remen kagem ndhidhik putra

katata ing endahing tembang

dipaes supados endah

supados kagayuh budi pakarti ingkang luhur

ingkang wonten ing tanah Jawi

agama minangka paugeran utama.

Meredam nafsu angkara dalam diri 

hendak berkenan mendidik putra-putri 

tersirat dalam indahnya tembang 

dihias penuh variasi 

agar menjiwai hakekat ilmu luhur, 

yang berlangsung di tanah Jawa (Nusantara) 

agama sebagai “pakaian” kehidupan. 

2
Jinejer neng Wedatama
Mrih tan kemba kembenganing pambudi
Mangka nadyan tuwa pikun
Yen tan mikani rasa,
Yekti sepi asepa lir sepah samun,
Samangsane pasamuan
Gonyak ganyuk nglelingsemi

Disusun ing Serat Wedhatama

supados boten kendho budi ingkang sae

sanajan sampun sepuh lan pikun

yen boten mangertos ilmu raos

estu sepi kados sepah ing tanpa guna

wonten ing pakumpulan

tumindakipun crobo lan ngisin-isini.

Disajikan dalam serat Wedhatama

agar jangan miskin pengetahuan

walaupun sudah tua pikun

jika tidak memahami rasa sejati (batin)

niscaya kosong tiada berguna

bagai ampas, percuma sia-sia,

di dalam setiap pertemuan

sering bertindak ceroboh memalukan.

3

Nggugu karsaning priyangga

Nora nganggo peparah lamun angling

Lumuh ing ngaran balilu

Uger guru aleman

Nanging janma ingkang wus waspadeng semu

Sinamun ing samudana

Sesadon ingadu manis 

Nuruti pikajenganipun piyambak

boten aturan menawi atur pangandikan

nanging boten purun dipunanggep bodho

remen dipunalem

Dene manungsa ingkang sampun mangertos ilmu sejati

boten saged dipunsangka

tumindakipun tansah sae.

Mengikuti kemauan sendiri

Bila berkata tanpa dipertimbangkan (asal bunyi)

Namun tak mau dianggap bodoh

Selalu berharap dipuji-puji

(sebaliknya) Ciri orang yang sudah memahami (ilmu sejati) 

tak bisa ditebak

berwatak rendah hati, selalu berprasangka baik.

4

Si pengung nora nglegewa

Sangsaya rda denira cacariwis

Ngandhar-andhar angendhukur

Kandhane nora kaprah

saya elok alangka longkanganipun

Si wasis waskitha ngalah

Ngalingi marang si pingging 

Si bodho boten mangertos

wicantenanipun saya ndadra

nglantur boten kantenan

wicantenanipun boten kaprah

saya aneh boten wonten andhege 

Si pinter nggateaken lan ngalah

nutupi kaawonanipun si bodho.

Si dungu tidak menyadari 

bualannya semakin menjadi jadi

ngelantur bicara yang tidak-tidak 

bicaranya tidak masuk akal 

makin aneh tak ada jedanya 

(lain halnya) Si Pandai cermat dan mengalah 

menutupi aib si bodoh.

5
Mangkono ngelmu kang nyata
Sanyatane mung weh reseping ati
Bungah ingaran cubluk
Sukeng tyas yen denina
Nora kaya si punggung anggung gumrunggung
Ugungan sadina dina
Aja mangkono wong urip

Mekaten ilmu ingkang nyata

ing kasunyatan maringi katentreman ati

remen dipunarani bodho

tetep remen menawi dipunina

boten kados Si bodho ingkang tansah kumalungkung

remen dipunalem saben dinten

sampun mekaten tiyang gesang menika.

Demikianlah ilmu yang nyata
Senyatanya memberikan ketentraman hati
Tidak merana katakan bodoh
Tetap gembira jika dihina
Tidak seperti si dungu yang selalu sombong
Ingin dipuji setiap hari
Janganlah begitu caranya orang hidup.

6

Uripe sepisan rusak

Nora mulur nalare ting saluwir

Kadi ta guwa kang sirung

Sinerang ing maruta

Gumarenggeng anggereng anggung gumrunggung

Pindha padhane si mudha

Prandene paksa kumaki

Gesang sepisan mawon risak

boten ngrembaka, nalaripun risak.

Upaminipun guwa ingkang peteng nggegirisi

dipunterak angin

swantenipun nggerem gumrunggung.

Kadosdene watak pemudha

taksih gadhah raos kumaki.

Hidup sekali saja berantakan

Tidak berkembang, pola pikirnya carut marut.

Umpama goa gelap menyeramkan

dihembus angin

Suaranya gemuruh menggeram

berdengung.

Seperti halnya watak anak muda

masih pula berlagak congkak.

7

Kikisane mung sapala

Palayune ngendelken yayah wibi

Bangkit tur bangsaning luhur

Lha iya ingkang rama

Balik sira sarawungan bae durung

Mring atining tata krama

Nggon anggon agama suci

Tujuan/ ancas gesangipun cendhek

lampahipun ngandelaken tiyang sepuhipun

ingkang katingal minulya

nanging menika bapakipun

dene sampeyan mangertos mawon ugi dereng

marang tatakrama

ing ajaran agama ingkang suci.

Tujuan hidupnya begitu rendah

maunya mengandalkan orang tuanya

yang terpandang serta bangsawan

itu kan ayahmu

sedangkan kamu kenal saja belum

akan hakikatnya tata krama

dalam ajaran yang suci.

8

Socaning jiwangganira

Jer katara lamun pocapan pasthi

Lumuh asor kudu unggul

Semengah sesongaran

Yen mangkono kena ingaran katungkul

Karem ing reh kaprawiran

Nora enak iku kaki

Gambaran saking jiwa ragamu

katingal cetha najan tuturipun alus

sipat boten purun ngalah, kedah paling unggul

umuk, kathah wicantenan.

Menawi ingkang mekaten, dipunsebat tiyang ingkang katungkul

nyombongaken marang dhiri piyambak

menika boten sae, Nak. 

Cerminan dari dalam jiwa ragamu

nampak jelas walau tutur kata halus

sifat pantang kalah maunya menang sendiri

sombong besar mulut.

Bila demikian itu, disebut orang yang terlen

puas diri berlagak tinggi

tidak baik itu, Nak.

9

Kekerane ngelmu karang

Kekarangan saking bangsaning gaib

Iku boreh paminipun

Tan rumasuk ing jasad

Amung aneng sajabaning daging kulup

Yen kapengok pancabaya

Ubayane mbalenjani

Ing ilmu ingkang dipun rekadaya

rekadaya saking bangsa ghaib

menika umpaminipun wedhak

boten nresep ing jasad

namung wonten ing sajawinipun kulit.

Yen kenging bebaya

sagedipun namung ngendhani.

Di dalam ilmu yang dikarang-karang (sihir/rekayasa)

rekayasa dari hal-hal gaib

itu umpama bedak

tidak meresap ke dalam jasad,

hanya ada di kulitnya saja nak

bila terbentur marabahaya,

bisanya menghindari.

10

Marma ing sabisa-bisa

Bebasane muriha tyas basuki

Puruita-a kang patut

Lan traping angganira

Ana uga angger ugering kaprabun

Abon aboning panembah

Kang kambah ing siyang ratri

Pramila sasaged-sagedipun

ngupayaaken tansah nggadhahi ati ingkang sae

maguru kanthi trep

ingkang sami kaliyan sampeyan.

Wonten ugi aturan lan paugeran negara

syarat tumrap abdi

ingkang lumampah siyang dalu.

Maka dari itu sebisa-bisanya

upayakan selalu berhati baik

bergurulah secara tepat

yang sesuai dengan dirimu.

Ada juga peraturan dan pedoman bernegara

menjadi syarat bagi yang berbakti

yang berlaku siang malam.

11

Iku kaki takok-ena

marang para sarjana kang martapi

Mring tapaking tepa tulus

Kawawa nahen hawa

Wruhanira mungguh sanyataning ngelmu

Tan mesthi neng janma wredha

Tuwin mudha sudra kaki

Nak, coba nyuwun pirsa

marang para sarjana ingkang saweg ngudi ngelmu

marang para suri tuladha ingkang leres

sanggup nahan hawa nepsu.

Kawruh sampeyan inggih sanyatanipun ngelmu

boten mesthi ing tiyang ingkang sepuh

ugi ing para mudha sarta kekirangan.

Itulah Nak, tanyakan

kepada para sarjana yang menimba ilmu

kepada jejak hidup para suri tauladan yang benar

dapat menahan hawa nafsu.

Pengetahuanmu adalah senyatanya ilmu,

Yang tidak harus dikuasai orang tua,

Bisa juga bagi yang muda atau miskin, Nak!

12

Sapantuk wahyuning Allah

Gya dumilah mangulah ngelmu bangkit

Bangkit mikat reh mangukut

Kukutaning jiwangga

Yen mengkono kena sinebut wong sepuh

Lire sepuh sepi hawa

Awas roroning atunggil

Sinten ingkang pikantuk wahyu Gusti

kanthi cepet lan trep nampi ngelmu

saged nguwasani ngelmu kasampurnan

kasampurnan jiwaraga.

Yen mekaten kasebat tiyang sepuh

ingkang ateges boten dipunkuwasani hawa nepsu

mangertos manunggaling kawula Gusti

Siapapun yang menerima wahyu Tuhan

dengan cermat mencerna ilmu tinggi

mampu menguasai ilmu kasampurnan

kesempurnaan jiwa raga.

Bila demikian pantas disebut “orang tua”

arti “orang tua” adalah tidak dikuasai hawa nafsu

paham akan dwi tunggal (menyatunya sukma dengan Tuhan).

13

Tan samar pamoring sukma

Sinuksmaya winahya ing ngasepi

Sinimpen telenging kalbu

Pambukaning warana

Tarlen saking liyep layaping aluyup

Pindha pesating sumpena

Sumusuping rasa jati

Boten samar nalika nyawiji

nresep karem ing eningipun semedi

dipunsimpen ing salebeting ati

minangka pambuka tutup (satir).

Kawitanipun, saking kahanan sadhar lan boten sadhar

kados lampah ngimpi

nresepipun rasa sejati.

Tidaklah samar-samar saat sukma menyatu

meresap terpatri dalam keheningan semadi

diendapkan dalam lubuk hati

menjadi pembuka tabir.

Berawal dari keadaan antara sadar dan tiada

Seperti terlepasnya mimpi

Merasuknya rasa yang sejati.

14

Sejatine kang mangkana

Wus kakenan nugrahaning Hyang Widhi

Bali alaming ngasuwung

Tan karem arameyan

Ingkang sipat wisesa winisesa wus

Mulih mula ulanira

Mulane wong anom sami

Sejatinipun ingkang mekaten

sampun pikantuk anugrahipun Gusti

wangsul menyang alam ingkang ngosongaken

boten remen ngumbar nepsu kadonyan

ingkang asipat kuwasa nguwasani. Sampun

wangsula ing asal mula sampeyan

he, para mudha! 

Sebenarnya keadaan itu

merupakan anugrah Tuhan

kembali ke alam yang mengosongkan

tidak mengumbar nafsu duniawi

yang bersifat kuasa menguasai. 

Kembalilah ke asal muasalmu

wahai anak muda sekalian!